Thursday, January 22, 2009

Tribute to President Barack Obama & His Family: On behalf of Fiji Flood victims.

A Fijian ‘Talanoa’ written in Native Fijian as a ‘Tribute to the American President Barack Obama & his family. (on behalf of all the Children of Fiji who are Victims of the recent Fiji Floods.)

"NA CAURAVOU KA A KUNEA NA NONA MATANICIVA TALEI."
Author: A young Fijian teenage girl – Bulou Marawa E. Tuisue


---------------------------------------------------------------------------
Ref: Pictures: Obama Family Album
----------------------------------
Ragone (or Children)…Once upon a time…..
(Translated & Written in Native Fijian Language for the Children of Fiji).

E tikotiko kina edua na gone tagane ka a sucu o koya mai Honolulu, Hawaii. E kainaki ni o Tamana e Turaga toka mai na nona vanua o Kenya mai Aferica.

Na yacani gone oqo o Barack Obama ka susu tuga vei na marama tinana kei rau na nona Bubu kei Tukana. E marama toka ni Valagi on tinana ka rau sa vei biu kei na nona Tata na cauravou lailai qo. Mani vakamau tale na marama tinana ka sa mani ratou toki sara ki Indonesia. Tubu cake mai na gone qo ka toso vata kei na nona dau sasaga kei na nona vuku ena veika vakai vola e koronivuli kei na veitarogi edau rawata.

Eda rawa ni raica toka, ka vakadikeva ni na gone qo e rairai taura ruarua mai vei rau o Tamana dina na kai Kenya (turaga loaloa) kei Tinana (na marama ni Valagi se vulavula) na nodrau vuku.

O rau na nonai tubutubu erau rawata ruarua na nodrau Koroi ni vuku ena vaka tagedegede ni University. Sa raica toka na marama tinana ni sa toso na nona rawa ka e koronivuli na cauravou oqo ka sa mani dewa sara yani vei rau o Tubuna ena tikina vei Tinana ki Hawaii me laki tomana kina na nona vuli torocake.

Rawata kece sara na cauravou oqo na nona vuli torocake ka yacova sara ni curu ena dua na University rogo levu sara mai Mereke (America). Na yacani vanua qo ko ‘Harvard University’.Oqo Ragone, na University era dau lako ga kina o ira na ‘vakai caqe’ se levu na nodra i lavo ka ra rawata tale ga na maka levu sara ena nona veitarogi. Na kena i vosavosa beka vaka valagi e vaka koto oqo ’Elite students with excellent marks’.

Sa da rawa sara toga ni raica na nona dau sasaga na cauravou qo. E dina ga ni kainaki toka ni cauravou loaloa ka tikitiki vaka valagi toka.

A mani rawata vinaka sara na cauravou oqo na nona Koroi ni Lawa (Law Degree) kei na Koroi ni vakadikevi na Politiki (Degree in Political Science)ka sasaga taka sara talega na nonai vola ni ‘Vuniwai ni Lawa’ (Law Professor). Na ka erawa ni da dikeva toka eke na nona gone ulu vinaka, vuku, ka dau cakacaka sara vaka kaukauwa na cauravou oqo ka gugumatua talega.

Ena gauna a vuli tiko kina mai 'Harvard University' rau mani sota kina kei na marama ka rau mai vei domoni ka qai mai watina sara. Na yacani marama oqo o Michelle, marama yago oaloa toka ka a vuli tale ga mai 'Harvard University' ka rawata tale ga kina na nona Koroi ni Lawa.

Ena gauna e volai tiko kina nai talanoa oqo esa mai cabeta nai tutu torocake 'President of America' enai ka 20 ni Janueri 2009.

E rua na nodrau goneyalewa na weiwatini oqo ka yacadrau o Malia (yabaki 10) kei Sasha (yabaki 07). O Budrau (Grandmother) na gone oqo aya na tinai Michelle eratou qai toki vata ena 'White House' na i tikotiko ni Presitedi mai Mereke.

Ragone, na turaga rogolevu ko President Barack Obama a mani sega ni tiko rawa o rau na tubuna ka a susugi koya kei na marama tinana ni ratou a sa leqa. E mamau sara ni ratou a sega ni raica na gauna talei oqo vei na nodratou cauravou lomani.

Ni bera ni cava nai talanoa oqo, meda sikova lesu eso na vuli e lauarai mai ena bula nona na Turaga oqo. E levu sara na vuli vinaka eda vulica mai kina.

Na vuli eda vulica mai enai talanoa oqo: (Morals of the story).
Fijian version -English Version
Gugumatua -Perseverance
Dau Masu -Faith
Vakarorogo -Obedience
Yalomatua -Maturity
Qacoa na noda vuli -Work hard @ school
Sasaga kaukauwa -Great efforts
Tatadra -Dreams & Aspirations
Rawaka -Achievements
Taqete -Goals or Visions
Yaloqaqa -Drives & strength

Fijian version
Na Vakananu (Reflections)
Kemuni na gone ni Viti, na rawa ni koni sotava ka kunea talega na nomuni Mataniciva vataka na nona a kunea na Turaga oqo (President Barack Obama)na nona Mataniciva talei. Esa rogolevu tu ena gauna oqo ena nona mai cabeta nai tutu vaka Peresitedi. A rau vei solisoli ena dua na soqoni vakairabo ka soli lesu kina vua na Turaga qo nai tutu cecere mai vua na Perisitedi vakacegu ko George Bush. A nona tu nai tutu levu qo ena yabaki walu (08 years) sa oti.

Sa ra marau tu oqo na kai Mereke taucoko ka vaka kina na lewe i vuravura tale eso.Na soqo ni marau baleti President Obama e se caka sara tuga oqo. Nuitaka ni da na veitauri liga ena masulaki ratou vaka mata vuvalena turaga President Obama, Michelle Obama, na watina, kei rau na luvedrau yalewa ko Malia kei Sasha.
Ni se bera ga ni cava nai talanoa oqo, me da laveti Mr George Bush kei ratou na nona matavuvale me ra lesu ena nodrai tikotiko va matavuvale ena vakacegu.


English version
Reflections (Vakanananu)
To all the Fiji Children, you can reach your dreams and goals and find your Precious Pearl just like how this Gentleman (President Barack Obama) found his Precious Pearl. This gentleman is now a very important & well known man after taking over the reigns of Presidency from Former President George Bush who also worked very hard & held the position of President of America for the last 08 years. Celebrations are still being held by many & we remember his wife Michelle & daughters, Malia, Sasha as well as Former President Bush’s wife & family.
(Copyright: BMET2009)

No comments:

Post a Comment

Bula, No'oia, Kia Ora, Warm Greetings, Namaste

Children of Fiji & Friends of Fiji

Children of Fiji & Friends of Fiji
Down memory lane

About Luvei Viti Community

My photo
Wellington, Wellington, New Zealand
#NaDinaFijiTruth Seeker & HumanRightsActivist.

Luvei Viti's shared items

Twitter Updates

Followers