Sunday, January 18, 2009

'A MINUTE OF SILENCE' FOR FIJI FLOOD VICTIMS

Special announcement as presented
by Adi Samanunu on behalf of the Trustees & Advisors for Luvei Viti (Children of Fiji.
nb.
Text written in Native Fijian Language.
An English version will be given upon request.

Radio Interview
Host Nemai @ Fijian Radio network
Date : 17/01/2009
Time 8.41pm

Ni sa bula vinaka mai o kemuni kece sara na noda o ni sa mai vaka I tikotiko voli oqo e Aotearoa. Era nanumi talega o ira na wekada mai Rotuma, o ira na Banaban se Kilivate, o ira na Idia, Valagi, China, kei ira kece sara na noda vasu ka vaka kina oira na Pacifica era tubu cake mai se a susugi mai ena noda vanua o Viti.

E kerei walega me da solia e ‘Dua na Miniti’(Minute of Silence) meda nanumi ira tou na lewe tinikadua ka sa kilai tiko ni ra mai leqa ena vukuni vaka caca ni kena mai luvu eso na vanua vakabibi mai na vualiku kei na yasayasa vaka ra. E oka talega ga eke o oira kece sara na wekada mai Viti ka ra sotava tu ena gauna oqo na dredre ni bula se leqa ena draki ca ka mai vakacaca sara vaka levu.

Ena vukudratou na veiluitaki se Trustees ni soqosoqo na Luvei Viti (Children of Fiji) e Aotearoa keirau via vakaraitaka taumada na neitou vaka vinavinaka vei Nemai na marama dau kacikacivaki e na retio oqo ena nona solia edua na gauna me rawa kina ni da mai veiwasei ena so nai tuvatuva ni veivuke kina noda vanua lomani o Viti ka sa namunamuci tu oqo e Aotearoa.

E vei tomani tiko ena vei talanoa oqo kei au o Sally Bialas na marama ni Koro vaka turaga o Sevaci, Tikina o Vaturova, yasana ko Cakaudrove. Na marama oqo e dua talega vei iratou na Trustees enai soqosoqo qo na Luvei Viti (Children of Fiji). E na qai solia o Sally edua na tukutuku lekaleka me baleta ga na veika e yaco tiko mai Viti vaka bibi ena so na vanua e dredre tiko kina na veitaratara se na veivuke me yaco yani kina.

Vei kemuni beka na loma tarotaro taka tu - se se qai rogoca vakadua na I soqosoqo oqo; au na wasea ga yani e vica na veika baleti tiko nai soqosoqo. E sega ni yalani o cei me mai lewena ka soli raraba tu na veisureti vei kemuni kece sara mo ni mai veitokoni. E dui kaikai na lewe ni soqosoqo oqo ka sega ni vaka tabaki dua ena dua na mata tamata – tabuyani. O koya ga e kila ni dua na kenai tiki e Viti se vei ira na vulagi ka ra via kila tu na veika baleti keda, qo na I soqosoqo era rawa ni ra mai lewena. Soli tuga na galala mo mai lewena ka sega ni yalani na koro cava ga o tu kina e Aotearoa. Na veika tale eso baleta na soqosoqo erawa ni qai wiliki ena kena website.
www.huttcity.com/luvei viti.com (se) http://luveiviti.blogspot.com/ kei na luveiviti@vuw vei ira era vuli se cakacaka ena Victoria University e Wellington.

Nai soqosoqo qo e davo toka ena loma ni bai ni veiliutaki mai vei iratou na Save the Children New Zealand ka vaka rawarawa taka tu kina na veika vakai vola me vaka ni da kila vinaka na dredre ni kena cicivaki edua nai soqosoqo. Esa yabaki 07 na kena a mai tauyavu taki.

E vica na ulutaga keirau na via wasea toka yani vei kemuni raraba ena bogi nikua.

· Na leqa se ‘National Disaster’ e yaco tiko mai Viti ena qai vosa tiko o Sally ena tikina oqo.
· Na vakadidike se ‘research & analysis’ ni veivuke se ‘Response’ e laurai ni sa vakatura na Matanitu e Aotearoa
· (New Zealand Government) kei ira na vei Community tale eso e Aotearoa: Unicef, Save the Children NZ, NZ Salvation Army, Red Cross, Fiji Indian Community through Radio Tarana se Apna kei na Lotu Waisele (wasewase vaka Viti) mai Wellington vata kei keitou na Luvei Viti (Children of Fiji)
· Na veika esa tukuni mai vei keitou mai vei ira na kena dau ni taumada sara ga na kena sagai me vaka vinaka taki na medra wai, aya e soli vei ira na vuanikau me vaka vinaka taka kina nai vakatagedegede ni medra wai. E laurai na vanua era laki vaka ruru tu kina, nai sulu, tutuvi kei na kakana kei na nodra qaravi vaka vuniwai o ira era tauvimate se mavoa.
· E leqa taki sara tiko vaka levu na vu cake mai ni vei Tauvimate ni na gauna e oti kina na uca kei na draki ca. Sa kerei tiko oira na lewe ni vanua mai Viti me ra qaqarauni sara ena tikina oqo.
· Oqo gona eso na vanua esa tuvanaki tu mai vei ira na kena dau ka a vakadewataki mai ki NZ me na gole kina na veivuke esa yaco tiko yani.
· Mai na veitalanoa vata kei ira na veta i cake e laurai tiko ni sa sagai sara vakalevu me ra na rawa ni gole yani ki Vuli o ira nai solisoli ka me na qai ra vukei ena veika vaka vuli, na peni, nai vola se kakana kei na veika tale vakaoqo. E sa vakadeitaki mai ni sa toso na gauna ni vuli mai Viti me na qai tekevu enai ka 26 January ga oqo.
· Na neitou vaka mamasu vei kemuni na noda lewe ni vanua mo ni veivuke ena kena soli nai loloma vaka i lavo me rawa da veivuke kina vei ira gone. Nai solisoli kece vakai lavo se i loloma ena soli mai ena qai soli vei iratou na Save the Children New Zealand me veivuke ena veituvatuva baleti ira na gone vuli mai Viti kas sa tukuni toka e cake.
· Ke rawa ni koni gole ga ena dua na Westpac Branch ena vei yasana ga o ni tu kina ka vaka curuma edua na nomuni soli ena:
· Account Number:
· 100012 030539:0244383 00
· Account Name: Luvei Viti (Children of Fiji)

. email: luvei.viti.community@gmail.com,

No comments:

Post a Comment

Bula, No'oia, Kia Ora, Warm Greetings, Namaste

Children of Fiji & Friends of Fiji

Children of Fiji & Friends of Fiji
Down memory lane

About Luvei Viti Community

My photo
Wellington, Wellington, New Zealand
#NaDinaFijiTruth Seeker & HumanRightsActivist.

Luvei Viti's shared items

Twitter Updates

Followers